Opoja.net

Sejdiu: Opozita duhet ta votojë Pakon e Rimëkëmbjes

Kosova
Sejdiu: Opozita duhet ta votojë Pakon e Rimëkëmbjes

Dardan Sejdiu thotë se opozita duhet ta votojë Pakon e Rimëkëmbjes.

Ish-deputeti Dardan Sejdiu, ka vlerësuar se me mosvotimin e ligjit për rimëkëmbje, Kosova po thellohet edhe më shumë në krizë.

SUPER OFERTË NGA HOTEL ARXHENA

Ndërrimi i viteve nën bardhësinë e bjeshkëve të Sharrit

SHIKO OFERTAT

 

Ai shprehet se ligji aktual për rimëkëmbje ekonomike mund të korrigjohet me amanadamentet e propozuara nga opozita, por që duhet të votohet.

“Është në modë tash e plotë vite, që gjithçka çka vie prej qeverisë të refuzohet menjëherë, pa marrë parasysh se çka sjellet”.

”E mbajë mend kur kam qenë unë deputet, pse votonim ca ligje të qeverisë, na etiketonin si patericë, ndonëse ligji ishte në rregull”.

“Ligji për rimëkëmbje ekonomike nuk po them që është në rregull, por mund të korrigjohet edhe nga deputetët e ta kalojmë”.

Se ka mosstabilitet në koalicionin qeverisës, Sejdiu pohon se e tregojnë edhe zhvillimet e fundit.

Ai në Klan Kosova përmendi faktin e kërkesës së kreut të AAK-së, Ramush Haradinaj, për të marrë postin e presidentit.

“Është sinjal që një ministër nga kabineti qeveritar çohet nga mbledhja, një kryetar partie që është pjesë e qeverisë kërkon të zgjidhet president. Si duket një lloj shantazhi në kuadër të qeverisë, na është bërë si shprehi, tash e sa vite”.

“Mos të ishte shantazh do të ishte naivitet më keq. Amatorizëm politik në sjelljen e një ligji që ridefinon shpërndarjen e parasë publike për një periudhë të caktuar kohore që ka të bëjë me shpëtim nacional”.

“E për këtë gjendje nëse nuk janë në gjendje të flasin, nuk e di se për çka munden”.

“Në këtë drejtim, nuk po i bëjnë nder as vendit sa i përket rimëkëmbjes ekonomike. Këta po futen edhe në një krizë të caktuar politike, dhe ne krejt këtë e kemi të mbuluar gjithmonë me këtë montron që është Serbia, se e kemi një marrëveshje të Ëashingtonit dhe se duhet të ecim përpara me atë marrëveshje”.

Neglizhencën për votimin e ligjit për rimëkëmbje nga të gjitha subjektet partiake në parlament, Dardan Sejdiu e sheh amatorizëm të skajshëm.

“Pra, këtë sjellje qoftë të partnerëve në pushtet, apo të opozitës, e shoh si amatorizëm të skajshëm në situatë të jashtëzakonshme ekonomike sociale por dhe politike”.

“Nëse kjo është sjellja që na përcjell neve këtë vit, do të futemi edhe më shumë në probleme ekonomike sociale”.

“Që pa marrë parasysh ardhjen e kujtdo në qeveri, thellësia e gjerësia e problemeve do ta bëjë të pamundur daljen prej situatës edhe politike edhe sociale që e kemi krijuar”.

“Le ta votojnë opozita, le të vijnë me propozime konkrete se çka mendojnë ata për me shtu”, ka thënë ai.

Asamblistë dhe biznesi i babait të kryetarit të Prizrenit përfitojnë nga komuna, kjo mund të përbëjë shkelje

Opoja.net

Prizreni dhe 5 komuna tjera pajisen me aparatin RT-PCR

Opoja.net

Trusti tregon mënyrën dhe kushtet e aplikimit për 10 për qindëshin

Opoja.net
Agjencia e Lajmeve
www.opoja.net