Opoja.net

Shënohet rasti i parë i koronavirusit në Gjermani

Rajoni
Shënohet rasti i parë i koronavirusit në Gjermani

Gjermania e ka identifikuar rastin e parë të infektimit me koronavirus, duke i shtuar shqetësimet për përhapjen e tij në Evropë.

Ministria Rajonale e Shëndetësisë në Bavari njoftoi në orët e vona të së hënës se pacienti është një burrë nga qyteza Starnberg, e cila shtrihet rreth 30 kilometra në jugperëndim të Mynihut.

Zyrtarët thanë se pacienti ndodhet në gjendje të mirë, është izoluar dhe po vëzhgohet nga mjekët. Ministria nuk dha informata të tjera për burrin e infektuar, përfshirë gjininë apo përkatësinë etnike.

“Njerëzit që kanë qenë në kontakt me të janë informuar për simptomat e mundshme, masat higjienike dhe kanalet e transmisionit”, thuhet në njoftimin e kësaj ministrie.

Raste të këtij virusi tashmë janë regjistruar edhe në shumë shtete të tjera, përfshirë Japoninë, Francën, Australinë dhe Shtetet e Bashkuara, shkruan “Reuters”, transmeton Gazeta Express.

Ministri gjerman i shëndetësisë, Jens Spahn, tha se nuk është i befasuar që virusi ka arritur në Gjermani, duke shtuar se rreziku mbetet i ulët.

Loading...

Mos i humb

Kushtetuesja pajtohet me dekretin e Thaçit

Opoja.net

Vendimi i Kushtetueses: Për dikë pakënaqësi, për të tjerët festë

Opoja.net

Jo, teknologjia 5G nuk e shkakton dhe as përhap COVID-19

Opoja.net

Dështimet e kaluara, si mësim për marrëveshjen finale Kosovë – Serbi

Opoja.net

Pandemia rrit shkallën e varfërisë në Kosovë

Opoja.net

“Diplomacia e maskave” e Kinës nuk po funksionon në Kosovë

Opoja.net
Agjencia e Lajmeve
www.opoja.net