Opoja.net
Meka Mish

Shtatë rregullat e reja të futbollit: Prej lojtarëve e trajnerëve deri tek gjyqtarët

Kongresi i Bordit Ndërkombëtar të Futbollit (IFAB), organi i vetëm i FIFA-s që mund të ndryshojë rregullat e lojës së futbollit, ka propozuar grupin e parë me shtatë ndryshime në botën e futbollit.

Këto ndryshime i prezantoi Zvonimir Boban, operatori i FIFA-s dhe kryetari i shoqatës botërore të gjyqtarëve, Pierluiggi Collina.

Pierluigi Collina (Foto by Robert Hradil/Getty Images/Guliver)

Rregulla e parë ka të bëjë me prekjen e topit prej gjyqtarit. Nëse prej atij aksioni realizohet një sulm tjetër për kundërshtarin dhe realizohet gol, atëherë topi i kthehet ekipit që e kishte në posedim.

Kur krijoni një mur të gjallë, lojtarët e ekipit të gjuajtjes së lirë nuk do të jenë më pjesë e murit dhe do të duhet të largohen së paku një metër nga muri.

Kur portieri bën rinisjen e lojës nga zona e pesë metërshit, lojtari kundërshtar nuk do të duhet të presë për të lënë zonën e penalltisë.

Çdo lojë me dorë në zonën e dënimit mbi lartësinë e shpatullës do të jetë penalti, pavarësisht nëse është e qëllimshme apo jo.

Nuk do të pranohet në asnjë formë goli nëse realizohet me dorë, edhe nëse është topi aksidentalisht ka prekur në dorën e lojtarit.

Trajnerët dhe lojtarët në bankën rezervë tani e tutje do të marrin kartonë të verdhë dhe të kuq.

Lojtari që e lë fushën me rastin e zëvendësimit, tani e tutje nuk duhet të largohet në mesfushë, por ku është më së afërmi vijës së largimit.

Të gjitha këto ndryshime pritet të hyjnë në fuqi nga sezoni i ri në futbollin evropian dhe botëror. /Telegrafi/

Gjiganti

Mos i humb

Blerim Xhemaili ndihmon Bolognan ta mposhtë Napolin në xhiron e fundit të Serie A

Opoja.net

Valencia fiton Kupën e Mbretit, mposht Barcelonën në finale

Opoja.net

Berisha do të largohet nga Atalanta, e ardhmja e tij mes Anglisë dhe Italisë

Opoja.net

Lionel Messi është fitues i ‘Këpucës së Artë’ për Evropë në sezonin 2018/19

Opoja.net

Mësohet shuma se sa do të fitojë klubi që triumfon në finale të Kupës së Kosovës

Opoja.net

Shiten të gjitha biletat, Angli-Kosovë

Opoja.net
Agjencia e Lajmeve
www.opoja.net