Opoja.net

Masat e reja, të moshuarit mund të dalin jashtë paradite dhe pasdite

Kosova
Masat e reja, të moshuarit mund të dalin jashtë paradite dhe pasdite

Pas rritjes së rasteve me koronavirus gjatë ditëve të fundit,Ministria e Shëndetësisë ka marrë masa të reja për mbrojtje nga COVID-19.

Me masat e reja, personave mbi moshën 65-vjeçare u lejohet dalja jashtë shtëpisë gjatë këtij orari 6:00-10:00 dhe 16:00-19:00, derisa jashtë këtij orari kanë të drejtë të dalin vetëm për nevoja shëndetësore.

Ndryshe, Ministri i Shëndetësisë, Armend Zemaj, në një konferencë për media pas mbledhjes së Komitetit për parandalimin e pandemisë, ka bërë publike masat e reja të marra për mbrojtjen nga COVID-19.

Zemaj ka treguar se qendrave tregtare u ndalohet aktiviteti nga ora 21:00 deri në orën 5 të mëngjesit.

Gjithashtu edhe gastronomisë i ndalohet veprimtaria nga ora 21:00 deri në orën 5 të mëngjesit, përveç shërbimit “merr me vete”

“Qendrat tregtare do t’iu ndalohet veprimtaria nga 21:00 deri në 5 të mëngjesit.

Gastronomia: 21 deri në orën 5, përveç shërbimit të take away”, ka thënë Zemaj.

Ai gjithashtu ka treguar se institucionet publike dhe private do të duhet që të reduktojnë stafin. Në këtë kufizim të stafit nuk përfshihen institucionet e sigurisë dhe shëndetësia.

“Është e domosdoshme që të reduktohet numri i stafit në nivel qendror, në institucionet publike dhe private. Shëndetësia dhe Siguria do të vazhdojnë të punojnë me kapacitete të plota”, ka thënë Zemaj.

“Ligjëratat të zhvillohen vetëm online nëpër universitete”, ka shtuar tutje.

Ai ka thënë se këto masa do të analizohen brenda 2 jave dhe do të rishikohen.

Shpejtim Bulliqi i LVV-së fiton pa balotazh

Opoja.net

Zemaj nuk e përjashton mbylljen totale të vendit – vendimi të hënën

Opoja.net

Universiteti i Oxfordit rendit Kosovën të parën për masat që mori, por nuk ndikoi në uljen e të infektuarve

Opoja.net
Agjencia e Lajmeve
www.opoja.net