Thaçi shkon në Bruksel për të kërkuar liberalizimin e vizave

Kosova
Thaçi shkon në Bruksel për të kërkuar liberalizimin e vizave

Presidenti i Republikës së Kosovës, Hashim Thaçi, nesër udhëton për në Bruksel, ku do të pritet nga përfaqësuesit e lartë të Bashkimit Evropian. Në njoftimin e zyrës së Presidentit bëhet e ditur se gjatë qëndrimit në Bruksel, presidenti Thaçi do të kërkojë nga Bashkimi Evropian jetësimin e liberalizimit të vizave për qytetarët e Kosovës.

Presidenti Thaçi do të pritet nga Presidenti i Këshillit Evropian, Donald Tusk, me të cilin do të bisedojë për procesin e integrimeve evropiane të Kosovës.

” Më pas, presidenti Thaçi do të takohet edhe me Kryetarin e Parlamentit Evropian, Antonio Tajani, nga i cili do të kërkojë vazhdimin e mbështetjes së Parlamentit Evropian për Kosovën”, thuhet në njoftimin e zyrës së Presidentit.

Ndërsa, të enjten, presidenti Thaçi do zhvillojë një takim edhe me Presidentin e Komisionit Evropian, Jean Claude Juncker.

Edhe në këtë takim do të bisedohet për thellimin e bashkëpunimit ndërmjet Kosovës dhe Komisionit Evropian.

“Gjatë qëndrimit në Bruksel, presidenti Thaçi do të kërkojë nga Bashkimi Evropian jetësimin e liberalizimit të vizave për qytetarët e Kosovës dhe përshpejtimin e procesit të anëtarësimit të Kosovës në Bashkimin Evropian”.

Rritja e rasteve me COVID-19, a do të mbyllen shkollat në Kosovë?

Opoja.net

Fillon pagesa e subvencioneve

Kushtrim Guraj

Frika nga pandemia, diaspora solli në Kosovë mbi 606 milionë euro për tetë muaj

Kushtrim Guraj
Agjencia e Lajmeve
www.opoja.net