Opoja.net

Thaçi udhëton për vizitë në Japoni

Kosova
Thaçi udhëton për vizitë në Japoni

Presidenti i Kosovës, Hashim Thaçi, sot do të udhëtojë për një vizitë zyrtare disa ditore në Japoni.

Presidenti Thaçi do të zhvillojë takime me krerët më të lartë shtetërore, për të shtyrë përpara agjendën e thellimit të bashkëpunimit ndërmjet dy shteteve.

Gjatë kësaj vizite, presidenti Thaçi do të pritet nga Lartmadhëria e tij, Perandori i Japonisë.

Po ashtu, do të pritet edhe nga Kryeministri i Japonisë, Shinzo Abe, me të cilin do të ketë edhe një drekë punë pas takimit bilateral.

Sipas një komunikate të Presidencës, kjo vizitë e presidentit Thaçi në Japoni vjen tash kur dy vendet janë duke kremtuar 10 vjetorin e lidhjes së marrëdhënieve diplomatike.

“Vizita zyrtare ka për qëllim rritjen e bashkëpunimit bilateral dhe zgjerimin e shkëmbimit tregtar ndërmjet dy vendeve tona”, thuhet në komunikatë.

Oda e Hotelerisë dhe Turizmit paralajmëron protesta nëse s’kalon Pakoja e Rimëkëmbjes Ekonomike

Kushtrim Guraj

Popujt më kursimtarë në rajon, ku renditen kosovarët

Kushtrim Guraj

Në Prizren, 133 gjoba për mosrespektim të masave

Opoja.net
Agjencia e Lajmeve
www.opoja.net