Opoja.net

Togerja e FSK-së Manushaqe Nura e para në një garë Kroaci

Kosova
Togerja e FSK-së Manushaqe Nura e para në një garë Kroaci

Sot në Kroaci u mbajt ceremonia zyrtare për shpalljen e ushtarit më të mirë për vitin 2016. Gara është zhvilluar dy ditë në poligonin ushtarak “Gjakovo”, në Grubisnjo-Polje të Kroacisë.

Në këtë garë, në konkurrencën e femrave, Toger Manushaqe Nura zuri vendin e parë dhe është nderuar me medalje.

Gara për përzgjedhjen e ushtarit më të mirë, që mbahet çdo vit në Kroaci, është njëra ndër garat ushtarake më të forta në botë.
Sipas një komunikate të FSK-së, në këtë garë ushtarake kanë marrë pjesë përfaqësuesit e 15 shteteve të NATO-s, si dhe shumë përfaqësues të shteteve partnere të Kroacisë.

“FSK-në e kanë përfaqësuar tre pjesëtarë të saj: Toger Manushaqe Nura dhe Tetarët Binak Podrimçaku dhe Feti Pronaj. Në garën për përzgjedhjen e ushtarit më të mirë të Kroacisë dhe atij ndërkombëtarë, kanë marrë pjesë 145 ushtarë, të cilët kanë marshuar 40 kilometra me 17.6 kilogram ngarkesë në shpinë, si dhe i kanë kaluar-ekzekutuar 13 detyra ushtarake.

Pjesëmarrësit nga Kroacia, kanë garuar për zgjedhjen e ushtarit më të mirë të Kroacisë,ndërsa pjesëmarrësit nga shtetet e NATO-s, dhe ato partnere, kanë garuar për zgjedhjen e ushtarit më të mirë ndërkombëtarë, për të dy gjinitë.Edhe kësaj here, në garën ndërkombëtare, FSK-ja u dallua me performancën e saj të shkëlqyeshme, duke dëshmuar me përgatitjen e lartë profesionale dhe të barabartë me pjesëmarrësit e shteteve të NATO-s dhe atyre ndërkombëtar.

Kështu, në konkurrencën e femrave, Toger Manushaqe Nura zuri vendin e parë dhe është nderuar me medalje, ndërsa në konkurrencën ndërkombëtare mjaftë të fortë të meshkujve, Tetar Binak Podrimqaku zuri vendin e tretë, ndërsa, Tetari Feti Pronaj të 13-tin, në konkurrencën ndërkombëtarëve”,citon kp komunikatën e FSK-së.

Gara për përzgjedhjen e ushtarit më të mirë të Kroacisë dhe atij ndërkombëtarë është mbajt, më 11 dhe 12 maj.

“Për FSK-në dhe Kosovën në përgjithësi, ky është edhe një sukses jashtëzakonisht i madh, kur kihet parasysh konkurrencën e fortë të pjesëmarrësve ndërkombëtare. Kjo dëshmoi se FSK-ja, ishte e barabartë profesionalisht me ushtritë pjesëmarrëse në përzgjedhjen e ushtarit më të mirë në Kroaci për vitin 2016”, thuhet në komunikatë.

Loading...

Mos i humb

Veterani i UÇK-së ndalohet nga Policia turke pasi Serbia ka dërguar emirin e tij në Interpol

Opoja.net

Qytetarët të shqetësuar, publikohen pamjet të reja të xhandarmërisë serbe duke patrulluar në Kosovë

Opoja.net

Do të sanksionohen personat që thonë se nuk ka virusi, vjen reagimi nga Labi

Opoja.net

Situata me koronavirus në vendin tonë: 3.961 raste aktive dhe 303 të vdekur, mbi 400 pacientë të hospitalizuar

Opoja.net

Ministri i Shëndetësisë nesër do të vizitoi Bujanocin dhe Preshevën

Opoja.net

Votohet në shqyrtim të parë projektligjin për parandalimin dhe luftimin e COVID-19

Opoja.net
Agjencia e Lajmeve
www.opoja.net