Opoja.net

Tottenhami dhe Arsenali ndahen në paqe në derbin e javës

Sport
Tottenhami dhe Arsenali ndahen në paqe në derbin e javës

Tottenham Hotspur dhe Arsenali kanë barazuar me rezultat 1-1 në ndeshjen derbi të vlefshme për javën e 29-të në Ligën Premier.

Pjesa e parë e ndeshjes u karakterizua me lojë të barabartë nga të dyja skuadrat, të cilët arritën të shënojnë edhe nga një gol, por vetëm ai i mysafirëve ishte i rregullt.

Goli i parë erdhi në minutën e 16-të, kur Aaron Ramsey shënoi për 1-0 pas një kundërsulmi të shpejt të Arsenalit.

Ramsey shënoi një gol të bukur (Foto: Clive Rose/Getty Images/Guliver)

Tottenhami arriti të gjej golin në minutën e 24-të me anë të Harry Kane, por anglezi ishte në pozitë jashtë-loje dhe goli nuk u pranua.

Në pjesën e dytë, ishin vendasit më të mirë dhe pas disa rasteve arritën të gjejnë edhe golin e barazimit.

Ishte minuta e 74-të e ndeshjes kur Kane u tregua i saktë për të barazuar rezultatin në 1-1 edhe pse pati shumë polemika për pozitë jashtë loje.

Momenti kur Kane shënoi nga pika e bardhë (Foto: Julian Finney/Getty Images/Guliver)

Pas këtij goli, Arsenali pati rast të mirë në minutën e fundit të arrij fitore, por Pierre-Emerick Aubameyang humbi penalltinë dhe ndeshja përfundoi me barazim 1-1.

Pas këtij barazimi, Tottenhami mbetet i treti me 61 pikë apo katër më shumë se Arsenali në pozitën e katërt.

Në ndeshjen e radhës, Arsenali e pret në shtëpi Manchester Unitedin, ndërsa Tottenhami udhëton te Southamptoni. /Telegrafi/

Loading...

Mos i humb

United beson në marrëveshjen me Pogbën

Kushtrim Guraj

Arbër Zeneli nostalgjik për topin

Kushtrim Guraj

Vdes Steve Priest, basisti i bendit “The Sweet”

Kushtrim Guraj

Leipzig planifikon ta zëvendësojë Wernerin me Rashicën

Kushtrim Guraj

Edhe Brescia heq dorë nga Balotelli?

Kushtrim Guraj

Crespo shpreson që Lautaro të qëndrojë te Interi

Kushtrim Guraj
Agjencia e Lajmeve
www.opoja.net