Opoja.net

Tregu përplot me farë ilegale, askush se dinë se kush po e sjell në Kosovë

Natyra
Tregu përplot me farë ilegale, askush se dinë se kush po e sjell në Kosovë

Një sasi e madhe e farës së grurit për mbjellje, e cila po konsiderohet si e dyshimtë ka arritur të futet në tregun e Kosovës pa asnjë problem, shkruan “Front Online”.

Ndonëse e njëjta shitet edhe nëpër dyqane në  të gjithë Kosovën, askush nga Ministria e Bujqësisë Pylltarisë dhe Zhvillimit Rural (MBPZHR), Agjencia e Ushqimit e Veterinës së Kosovës (AUV), por as Dogana e Kosovës nuk kanë asnjë informatë të vetme për të.

Burime të besueshme të “Front Online” brenda Institutit Bujqësor të Kosovës kanë bërë të ditura se fara e cila po shitet në treg nuk i plotëson standardet dhe se nuk është në listën e produkteve për Mbrojtjen e Bimëve të regjistruara në MPBZHR.

Lidhur me këtë “Front Online” ka dërguar disa pyetje në Agjencinë e Veterinës dhe Ushqimit (AUV), por edhe pas tre jave pritje nuk kanë kthyer përgjigje, e përgjigje nuk ka kthyer as Dogana e Kosovës ku “Front Online” ka kërkuar informacione për sasinë e farës që është importuar në dy vitet e fundit.

Për këtë çështje portali “Front Online” ka kërkuar informacione edhe nga Ministria e Bujqësisë, por këta të fundit përgjegjës për kontrollin e farave e kanë lënë Agjencinë e Ushqimit dhe Veterinës.

“Edhe njëherë ju njoftoj se MBPZHR në kompetencën e saj ka regjistrimin e varieteteve të reja që aplikojnë për regjistrim. Ndërsa, pjesën e kontrollit të farërave për prodhim, import, eksport, tregtim është kompetencë e Agjencisë së Ushqimit dhe Veterinarisë (AUV), përmes inspektoratit fitosanitar kufitar dhe të brendshëm” thuhet në përgjigjen e Ministrisë.

Sipas burimeve të portalit, me rastin në fjalë është duke hetuar edhe Njësia për Krime Ekonomike brenda Policisë së Kosovës.

Në një përgjigje me shkrim zyra për informim e policisë së Kosovës ka thënë se janë duke e trajtuar informatën që kanë marrë lidhur me farën e grurit.

“Lidhur me kërkesën tuaj të mëposhtme ju njoftojmë se, Policia e Kosovës është duke e trajtuar këtë informacion” thuhet në përgjigjen e policisë.
Lidhur me këtë “Front Online” do të i’u mbajë të informuar.

Loading...

Mos i humb

Dy mijë fermerë në listën e zezë

Opoja.net

AKK-ja kërkon të rivlerësohen listat refuzuese të subvencioneve

Opoja.net

Tash e tutje bizneset do të paguajnë TVSH-në e importit të grurit dhe miellit

Opoja.net

Mustafa: Do ta fuqizojmë sektorin e bujqësisë

Opoja.net

Pandemia i shkaktoi miliona humbje industrisë së qumështit në Kosovë

Opoja.net

Komuna e Vushtrrisë ndan 145 sera për fermerë

Opoja.net
Agjencia e Lajmeve
www.opoja.net