Opoja.net

UNICEF-i, thirrje për ndihma urgjente pa pengesa në Jemen

Rajoni
UNICEF-i, thirrje për ndihma urgjente pa pengesa në Jemen

Fondi i Emergjencës i Kombeve të Bashkuara për Fëmijët (UNICEF) bëri thirrje për qasje pa pengesa në lidhje me dërgimin e ndihmave humanitare gjatë armëpushimit 48-orësh në Jemen…

Fondi i Emergjencës i Kombeve të Bashkuara për Fëmijët (UNICEF) bëri thirrje për qasje pa pengesa në lidhje me dërgimin e ndihmave humanitare gjatë armëpushimit 48-orësh në Jemen.

Drejtori i përgjithshëm i UNICEF-it, Anthony Lake, deklaroi përmes një komunikate me shkrim se lufta 18-mujore në Jemen ka shkaktuar vdekjen e më shumë se 1.000 fëmijëve dhe ka privuar miliona njerëz nga nevojat më themelore.

“Burimet ujore dhe ushqimore në Jemen janë pakësuar ndjeshëm dhe 1,5 milionë fëmijë po ushqehen në skajin e pamjaftueshmërisë, ndërkohë që jeta e mijëra njerëzve po rrezikohet nga rritja e shpejtë e rasteve me sëmundje si kolera dhe fruthi”, paralajmëroi Anthony Lake.

Të shtunën, koalicioni ndërkombëtar i drejtuar nga Arabia Saudite njoftoi fillimin e një armëpushimi 48-orësh për mbërritjen e ndihmave humanitare në Jemen.

Pas hyrjes në fuqi të armëpushimit 48 orësh, shefi i UNICEF-it bëri thirrje që ndihmat humanitare të dërgohen pa pengesa te njerëzit në nevojë.

Sipas OKB-së, nevojë për ndihma humanitare emergjente në Jemen kanë 21 milionë banorë, që formojnë 80 për qind të popullsisë së këtij shteti të përfshirë në luftë civile.

Ky pritet të jetë kabineti i Joe Biden

Opoja.net

Sot një vjet bota ndryshoi, si u paraqit rasti i parë me Covid-19

Opoja.net

Tragjedia në Zvicër: Vdes 15 vjeçari kosovar, pasi u godit nga treni

Opoja.net
Agjencia e Lajmeve
www.opoja.net