Opoja.net

Vendimi i MMPH-së ia ndalon Komunës së Prizrenit rrënimin e “Abi Çarshisë” (VIDEO)

Kosova
Vendimi i MMPH-së ia ndalon Komunës së Prizrenit rrënimin e “Abi Çarshisë” (VIDEO)

Për të dytën herë, Ministria e Mjedisit dhe Planifikimit Hapësinor ka vendosur në favor të “Abi Çarshisë” në Prizren.

Kjo ministri më 1 gusht, ka nxjerrë vendim, me të cilin e cilëson të pabazuar vendimin e Komunës për rrënimin e këtij kompleksi, raporton KTV.

Në vendimin e siguruar nga KTV-ja thuhet se miratohet si e bazuar ankesa e kompanisë “Abi”, duke i pamundësuar çfarëdo veprimi Komunës së Prizrenit.

Tutje, vendimi sqaron se organet komunale duhet të veprojnë bazuar në dispozitat e Ligjit për Trajtimin e Ndërtimeve pa Leje dhe Udhëzimeve Administrative në fuqi.

Sipas vendimit të Ministrisë, Komuna e Prizrenit ka shkelur disa nene të këtij ligji kur vendosi të rrënonte një pjesë të kësaj qendre tregtare.

Një vendim të njëjtë, javë më parë, e mori edhe Gjykata Themelore në Prizren, duke pezulluar rrënimin e objektit.

Por, drejtori i Inspeksionit, Islam Thaçi, e ka cilësuar të padrejtë vendimin e Ministrisë së Planifikimit Hapësinor.

Derisa, përfaqësues ligjorë të kompanisë “Abi” insistojnë se Komuna do t’i kompensojë ata për dëmet e shkaktuara, kur nisi të rrënonte një pjesë të qendrës tregtare.

Prokuroria Themelore e Prizrenit ka nisur hetimet për drejtorin e Inspeksionit në këtë komunë dhe disa inspektorë, për vendimin e tyre që të rrënojnë një pjesë të “Abi Çarshisë”.

Popujt më kursimtarë në rajon, ku renditen kosovarët

Kushtrim Guraj

Në Prizren, 133 gjoba për mosrespektim të masave

Opoja.net

Hoti paralajmëron se mund të ketë masa edhe më të ashpra në fund të javës

Opoja.net
Agjencia e Lajmeve
www.opoja.net