Opoja.net

VIDEO – Raketa e kompanisë SpaceX shpërthen gjatë uljes në Tokë

VIDEO – Raketa e kompanisë SpaceX shpërthen gjatë uljes në Tokë

Një prototip rakete i kompanisë SpaceX ka shpërthyer gjatë një tentimi për t’u kthyer në Tokë nga një testim në lartësi të madhe.

Ky lloj i pajisjes është i krijuar për të dërguar njerëz në Mars.

Raketa Starship ka kryer testimin për gjashtë minuta e gjysmë nga Teksasi, në një mision për të arritur lartësi prej 12.5 kilometrave dhe për të bërë kthimin në mënyrë vertikale.

Mirëpo ky prototip i testuar i anijes kozmike është përplasur gjatë lëshimit në tokë dhe meqë shpejtësia ka qenë e madhe, pajisja është ndezur në flakë.

Watch Starship high-altitude test live → https://t.co/Hs5C53qBxb https://t.co/sEMe4firi6

— SpaceX (@SpaceX) December 9, 2020

Megjithatë, shefi ekzekutiv i kompanisë SpaceX, Elon Musk ka thënë se ekipi ka marrë të dhënat që i janë dashur.

Nisja e pajisjes është shfaqur edhe në kanalin e SpaceX në YouTube.

SpaceX deri më tani ka kryer pesë testime të modelit Starship, mirëpo modelet e mëparshme nuk kanë fluturuar më shumë se 150 metra.

Kjo kompani beson se do të mund të dërgojë njerëz dhe mallra në Mars brenda gjashtë vjetëve të ardhshëm. /REL

Kush e sollën kompjuterin e parë në Bresanë ?

Opoja.net

Volkswagen ndryshon emrin e degës në SHBA

Kushtrim Guraj

Presion mbi krerët e teknologjisë për të kontrolluar lajmet e rreme

Kushtrim Guraj
Agjencia e Lajmeve
www.opoja.net