Opoja.net

Zgjedhjet nuk e pengojnë heqjen e vizave

Kosova

Liderët e partive, në kuadër të premtimeve parazgjedhore, kanë filluar premtimet e tyre për heqjen e vizave derisa shtetet anëtare të BE-së vazhdojnë të mos jetë unike për këtë proces.

Ekspertët e integrimeve vlerësojnë se zgjedhjet nacionale në Kosovë nuk e pengojnë heqjen e vizave, por që ky proces nuk pritet të jetë në agjendë të BE-së së paku deri në vitin 2020, shkruan gazeta “Zëri”.

Po bëhen tashmë 10 vjet qëkur liderët shtetërorë të Kosovës i kanë filluar premtimet e tyre për liberalizim të vizave, derisa ky proces vazhdon të mbetet i bllokuar te Këshilli i Ministrave i BE-së, i cili ende nuk e ka futur në agjendë. Mirëpo kjo gjë nuk i ka ndaluar krerët e partive në Kosovë që në kuadër të premtimeve elektorale ta përmendin edhe heqjen e vizave për Kosovën. Kryeministri në detyrë, Ramush Haradinaj, i cili deri më tani dhjetëra herë ka premtuar heqjen e vizave, një premtim të tillë e bëri përsëri javën që lamë pas, duke theksuar se liberalizimi mund të ndodhë më së largu deri në tetor të këtij viti.

“Jemi në proces. Mendoj se nuk ka mbetur shumë. Tani në shtator do të vijë delegacioni i Ministrisë së Brendshme të Gjermanisë, në javën e parë ose në të tretën. Nuk është çudi të merret në këtë vjeshtë, qoftë edhe para zgjedhjeve është i mundshëm, pra nuk është çudi. Në tetor besoj po se po”, ka thënë Haradinaj.

Mirëpo ekspertët e integrimeve vlerësojnë se institucionet e reja të BE-së nuk e kanë prioritet heqjen e vizave për Kosovën, pasi ka ende shtete të BE-së të cilat janë skeptike për këtë proces. Rrjedhimisht sipas tyre, liberalizimi i vizave për Kosovën nuk do të futet në agjendën e BE-së deri në vitin 2020.

Loading...

Mos i humb

S’ka mjekë, repartet në spitalet rajonale drejt mbylljes

Opoja.net

Kush e dha lajmin e njohjes nga Xhamjaka i pari dhe si i kapi euforia liderët e Kosovës

Opoja.net

Xhamajka njeh pavarësinë e Kosovës

Opoja.net

Zvicra mbështetëse e proceseve në Kosovë dhe realizimin e projekteve në të mirë të qytetarëve

Opoja.net

Skenari i Kurtit për shkarkimet e bordeve

Opoja.net

Të enjten, shi dhe borë — por si do të jetë moti në Kosovë gjatë ditëve pasuese?

Opoja.net
Agjencia e Lajmeve
www.opoja.net