Në kuadër të shënimit të Ditës Botërore të Pastrimit, nxënësit e Shkollës Fillore “28 Nëntori” në Brodosanë, së bashku me kujdestarët e klasave, zhvilluan një aksion të përbashkët për pastrimin e oborrit të shkollës dhe hapësirave përreth saj.
Ky aktivitet u mirëprit nga të gjithë pjesëmarrësit, pasi përveç rëndësisë që ka në aspektin mjedisor, ai shërben edhe si një mësim praktik edukativ për nxënësit mbi përgjegjësinë që secili duhet të ketë ndaj natyrës dhe komunitetit.
“Ky aksion është një shembull i vogël, por me vlerë të madhe, sepse ndërgjegjëson fëmijët që kujdesi për mjedisin fillon nga oborri i shtëpisë dhe i shkollës. Vetëm së bashku mund të arrijmë ndryshime pozitive”, u shpreh Durim Myrtezani, ushtrues detyre i drejtorit të shkollës, duke falënderuar nxënësit dhe stafin për përkushtimin e treguar.
Përmes kësaj nisme, Shkolla “28 Nëntori” dha një shembull të mirë për gjithë komunitetin, duke e shndërruar Ditën Botërore të Pastrimit në një ditë të veçantë ndërgjegjësimi dhe veprimi në Brodosanë. 🌿
Opojanet ka hapur kanalin në Whats App dhe ju mund të na bashkoheni për të ndjekur lajmet tona BASHKOHU KËTU.
