Mesfushori me prejardhje shqiptare dhe kombësi belge synon të bëhet lojtar i lirë gjatë kësaj vere.
Sipas mediave belge, Anderlecht ka shfaqur interesim serioz për rikthimin e Januzajt në radhët e veta. Një transferim me kosto zero shihet si mundësi ideale për të dyja palët — për klubin që kërkon përforcim në mesfushë dhe për lojtarin që kërkon të rigjejë vetveten në një ambient të njohur.
Anderlecht e sheh Januzajn si një profil me përvojë të pasur ndërkombëtare dhe me cilësi kreative që mund të ndihmojnë skuadrën në objektivat e saj në kampionat dhe Evropë.
Nga ana tjetër, Sevilla është në fazë ristrukturimi financiar dhe synon të ulë ndjeshëm buxhetin e pagave për të krijuar hapësirë për përforcime të reja. Ndarja me Januzajn, i cili nuk ka pasur shumë hapësira në skuadër, shihet si një zgjidhje e arsyeshme.
30-vjeçari ka pasur një karrierë të luhatshme, duke kaluar nëpër ekipe si Manchester United, Borussia Dortmund, Real Sociedad dhe Sevilla. Një rikthim te Anderlecht — klubi ku mori hapat e parë si futbollist — do të ishte një mundësi ideale për një “rilindje” në vendlindje.
Bisedimet pritet të finalizohen në ditët në vijim, dhe një rikthim në Belgjikë duket gjithnjë e më afër për Januzajn.
Opojanet ka hapur kanalin në Whats App dhe ju mund të na bashkoheni për të ndjekur lajmet tona BASHKOHU KËTU.
