Një fëmijë ka humbur jetën në fshatin Brod të Shtërpcës, pasi u godit nga një veturë.
Veturën Fiat po e ngiste i dyshuari shqiptar i cili nga pakujdesia dhe mospërshtatja e shpejtësisë e ka goditur fëmijën.
Sipas raportit 24 orësh të Policisë së Kosovës, viktima kishte marr lëndime të rënda trupore nga aksidenti dhe ka ndërruar jetë në spital.
I dyshuari është arrestuar dhe me urdhër të prokurorit është dërguar në mbajtje, ndërsa trupi i pajetë i viktimës është dërguar për obduksion.
