Përbërësit:
7 vezë (6 vetëm të kuqtë, 1 e plotë),
një gotë uji qumësht,
një gotë uji vaj,
një pecivë,
300gr arra,
niseshte,
300gr gjalpë dhe miell derisa të trashet.
Shërbeti:
800ml ujë,
1kg sheqer,
një limon,
një sheqer vanilje.
Përgatitja e bakllavës:
Hedhim vezët, qumështin, vajin, pecivën dhe miell derisa të trashet. Pasi të jetë bërë masë brumi, e lëmë për 20min që të pushojë. Pastaj brumin e ndajmë në kuleç të vegjël, të cilët i bëjmë me niseshte dhe i përdorim nga 5 copë për ta bërë petën.
Pas çdo 15 petëve, i hidhni arrat e grimcuara. Pasi të keni përfunduar me vendosjen e petëve në tepsi, e prisni bakllavën në katrorë të barabartë dhe ia hidhni me lugë gjelle gjalpin e shkrirë. E fusni në furrë për t’u pjekur në 200 gradë C dhe pasi ta shihni se ka filluar të piqet, e ndalni temperaturën në 50 gradë ose 100, varësisht se si e shihni të arsyeshme dhe e kontrolloni vazhdimisht derisa të piqet mirë.
Përgatitja e shërbetit:
Në një tenxhere hedhim 800ml ujë dhe 1kg sheqer që të vlojnë për 7-10min. E kontrolloni derisa të fillojë të trashet. Ia hidhni limonin dhe sheqerin e vaniljes. Nëse ka nevojë i shtoni edhe pak sheqer. Ju bëftë mirë!
