Në Komisionin
Hetimor Parlamentar mbi procesin e licencimit, operimit, mbikëqyrjes dhe
aplikimit për lejet e hidrocentraleve në Republikën e Kosovës ka raportuar,
Muhamer Ibrahimi, drejtor i kompanisë “Hydroline”, raporton Ekonomia Online.
Kryetarja e Komisionit
Eliza Hoxha ka pyetur për sfidat që ka pasur kompania “Hydroline” në çfarëdo
aspekti.
Ibrahimi ka thënë
se kompania mbështet nga kapitali i diasporës dhe nga investitor vendës dhe se
janë konsultuar edhe me banorët.
“Ne jemi
konsultuar me ministrinë për vendin ku do nisim punimet nëse është zonë e
mbrojtur. Ne në debate me asamblistë e qytetarë të Shalës së Bajgorës për të
informuar për atë se çka do të bëjmë ne”.
“Kemi aplikuar
edhe pranë ministrisë së Ambientit për kërkesën për pëlqimin e lejes mjedisore.
Kemi pasur prej fillimi bashkëpunim të mirë me banorët e asaj ane. Pas gjithë këtyre
jemi pajisur me leje pas pëlqimit të të gjitha kritereve”.
Deputeti i VV-së, Salih
Zyba ka pyetur se cili ka qenë interesi i qytetarëve për mbështetjen që iu kanë
dhënë.
“Për bashkëpunimin
me banorët s’ka pasur asnjë kushtëzim. Ata kanë shprehur interesim për të pasur
vende të punës. Edhe gjatë punimeve të projektit ju kemi rregulluar rrugën”.
“Familjet e
Selacit i kemi punësuar nga një anëtar prej tyre që të mos largohen prej atje.
Kanë një mirëqenie më të mirë se që e kanë pasur. Kompania edhe gjatë dimrit e
rregullon rrugën”.
Zyba ka pyetur për
shifrën e qarkullimit vjetor të kësaj kompanie.
Ibrahimi ka thënë
se qarkullimi vjetor është rreth 700 mijë euro, raporton EO.
Zyba ka pyetur se a
ka pasur kompania pretendime dhe iniciativa për projekte tjera.
“Po kemi pasur në komunën e Podujevës konkretisht në Lumin e Kaqandollit prej ku jemi tërheqë sepse komuna s’ka qenë miqësore për të pranuar investimin”, është përgjigjur Ibrahimi.
