Pas ndërhyrjes së suksesshme për largimin e arinjve që ishin paraqitur në fshatin Bellobrad, drejtoria e Shkollës Fillore “Sezai Surroi” ka publikuar një vlerësim zyrtar, duke shprehur falënderim për të gjitha televizionet, portalet dhe mediat elektronike që ndihmuan përmes raportimeve të tyre në zgjidhjen e situatës.
Në reagimin e shkollës, po ashtu u dërgua një mirënjohje për organet kompetente, të cilat reaguan me kohë dhe ndërmorën masat e duhura për kapjen dhe largimin e arinjve, duke garantuar sigurinë e nxënësve dhe banorëve të fshatit.
Drejtoria thekson se falë këtij bashkëpunimi të ndërsjellë, nxënësit dhe komuniteti lokal tashmë ndihen të sigurt dhe të qetë.
Opojanet ka hapur kanalin në Whats App dhe ju mund të na bashkoheni për të ndjekur lajmet tona BASHKOHU KËTU.
