Lajmin e ka konfirmuar për IndeksOnline këshilltari i Presidentes, Bekim Kupina. “Të gjithë e kanë konfirmuar pjesëmarrjen në takimin e së enjtes me Presidenten Osmani,” ka deklaruar ai.
Ky takim vjen në një moment kritik, kur vendi ende nuk ka arritur një marrëveshje për zgjedhjen e kryetarit të Kuvendit. Kandidatura e Albulena Haxhiut nga Lëvizja Vetëvendosje (LVV) vazhdon të mos marrë mbështetjen e nevojshme, duke u kundërshtuar nga partitë opozitare. Opozita e ka cilësuar Haxhiun si një figurë përçarëse dhe i ka kërkuar LVV-së të propozojë një emër tjetër për këtë post të rëndësishëm.
Më herët, Presidentja Osmani kishte shprehur gatishmërinë e saj për të zhvilluar takime me krerët politikë, nëse ata do ta vlerësonin të nevojshme një qasje të tillë për të zhbllokuar situatën politike.
Ky takim i së enjtes shihet si një përpjekje e re për të gjetur një zgjidhje dhe për të ecur përpara me konstituimin e institucioneve të vendit. Pritet që në këtë takim të diskutohen opsione të ndryshme për të tejkaluar ngërçin aktual politik.
Opojanet ka hapur kanalin në Whats App dhe ju mund të na bashkoheni për të ndjekur lajmet tona BASHKOHU KËTU.
