Kosova barazoi në ndeshjen e fundit kundër Ishujve Faroe dhe trajneri i Kombëtares kosovare ka folur në fund për rezultatet e tij që ka arritur gjatë kësaj kohe por edhe për futbollistët e rinj që luajtën në ndeshjet e fundit.
Fillimisht, ai ka thënë që Kosova humbi shumë shanse sot, por që ai ishte më i fokusuar tek skuadra dhe emrat e rinj në të.
“E vërtetë ishte një lojë që kishte shumë raste dhe na vjen keq që i kemi humbur ato. Por, kemi folur për të ardhmen dhe tani do të analizojmë disa nga lojtarët që kemi ftuar në këto miqësore. Rezultati nuk është real”, ka thënë ai.
Sipas tij, për emra të veçantë ai do të flasë më vonë kur do të analizojë paraqitjen e tyre në këto dy ndeshje.
“Ajo që mund të them ishte se të gjithë lojtarët kanë treguar shpirt luftarak”, tha trajneri i Kosovës.
Kjo ishte loja e fundit për këtë vit e Kosovës, derisa nga marsi deri me sot Giresse ka luajtur 10 ndeshje.
“Nëse flasim për statistikat tashmë ato dihen. Përgjithësisht ato flasin në favorin tonë por ne kemi punuar më shumë në ndërtimin e ekipit të ri dhe do të mundohemi që të forcohemi më tej në të ardhmen”. /Demokracia.com
Opojanet ka hapur kanalin në Whats App dhe ju mund të na bashkoheni për të ndjekur lajmet tona BASHKOHU KËTU.
