Me 5 mijë euro, Organi Shqyrtues i Prokurimit ka gjobitur Komunën e Dragashit për shkak se nuk ka zbatuar vendimet dhe urdhëresën e këtij organi lidhur me ndërtimin e ujësjellësit.
Gjykata e Tenderëve ka konstatuar se zyrtarët komunalë në këtë projekt të prokurimit kanë shkelur Ligjin për Prokurimin Publik, rregullat e tij dhe i janë shmangur përmbarimit të vendimeve të nxjerra nga OSHP-ja, raporton KTV.
Por Kryetari i kësaj Komune, Salim Jonuzi thotë se dyshon në vendimin e OSHP-së.
Sipas Jonuzit, OSHP-ja asnjëherë nuk ka vendosur për një kompani të caktuar, por tri herë e ka dërguar lëndën në rishqyrtim.
Jonuzi dyshon që ky organ ka tendencë që këtë tender t’ia japë ndonjë kompanie.
Opojanet ka hapur kanalin në Whats App dhe ju mund të na bashkoheni për të ndjekur lajmet tona BASHKOHU KËTU.
