E Përditesuar: Demir Reshiri nga Bresana e Dragashit u gëzua me trashëgimtarë nga djali e dy vajzat të cilët i kishte martuar në gusht të vitit të kaluar, njofton Klan Kosova.
Vajzat e tij, Albana dhe Abetarja, ishin kurorëzuar brenda dy dite, ndërsa dhjetë muaj më pas ishin bërë nëna.
Përveç kësaj, edhe vëllai i tyre, Ditlindi u martua me 29 gusht të 2016, në një datë që përkon me ditëlindjen e tij.
Demir Reshiti është gazetar dhe poet i njohur në Kosovë. Aktualisht punon në RTK-Radio në Prishtinë si drejtues i një emisioni kushtuar mërgimtarëve. Për rreth tre dekadash sa ka punuar në gazetari ka përjetuar momente nga më të ndryshmet që e kanë bërë të ndihet i lumtur por edhe i zhgënjyer.
Vitin e kaluar, përkatësisht më 20, 21 dhe 29 gusht, Demiri martoi djalin e dytë Ditëlindin dhe vajzat Albanën e Abetaren. 10 muaj më pas në të njëjtat data si janë martuar, çiftët e reja e sjellin në jetë nga një djalë duke e bërë Demirin katër herë gjysh, tre nga të cilët ngjajnë në trinjakë!
Një fotografi me “trinjakët” e postuar në kohështrirjen e tij në facebook me diçiturën “Tre djepa – tre nipa dhe një gjysh i lumtur!”, ka zgjuar kureshtjen e qindra miqve të tij, duke mbërritur në afro 1000 pëlqime e shumë komente brenda pak orësh.
