Opoja.net

Goranët peticion kundër bustit të Adem Jasharit në Dragash

Lajme Opoja
Goranët peticion kundër bustit të Adem Jasharit në Dragash

Në internet ka nisur një peticion me qëllim të ndalojë vendosjen e bustit të komandantit të Ushtrisë Çlirimtare të Kosovës, Adem Jashari në Komunën e Dragashit. Vendosja e bustit është votuar me shumicë votash në Kuvendin Komunal të kësaj komune.

Deri tash, sipas portalit Kosovopress, peticioni është nënshkruar nga pak njerëz. Ndërsa, në thirrje për nënshkrim thuhet se kjo bëhet nga nevoja për të respektuar multietnicitetin e Dragashit.

Kuvendi Komunal i Dragashit ka votuar ditë më parë kërkesën e veteranëve të UÇK-së të Dragashit, për të vendosur bustin e Adem Jasharit në qytet. Sipas Kosovopress, thuhet se këshilltarët e komuniteteve pakicë, Veljid Hadzisin dhe Sherif Aga të koalicionit “Vakat”, nuk morën pjesë në votim, por që e ndoqën atë.

Komuniteti i goranëve ka kundërshtuar këtë edhe në rrjetet sociale, duke i kërkuar të tjerëve që “të dalin në front” për ndalimin e kësaj nisme të veteranëve të UÇK-së.

© Opoja.net

Selim Kryeziu: pretendimet për punësime partiake, shpifje të ulta

Fari Kolloni

Mblidhet Shtabi Emergjent në Dragash, shqyrton situatën me Covid-19

Fari Kolloni

Konkursi për mësimdhënës në Dragash: Këta janë kandidatët që kanë hyrë në listën e ngushtë

Fari Kolloni
Agjencia e Lajmeve
www.opoja.net