Në këtë njoftim theksohet se vaksinimi sipas Kalendarit të Rregullt të Vaksinimit është i domosdoshëm për të mbrojtur shëndetin e fëmijëve dhe komunitetit në tërësi. Vaksinat konsiderohen të sigurta dhe mbrojnë fëmijët nga sëmundje të rënda dhe ngjitëse. Po ashtu, vaksinimi i kryer në kohë është masa më efektive për të parandaluar shpërthimet e mundshme të sëmundjeve infektive, duke siguruar kështu një fillim të mbarë të vitit shkollor dhe parashkollor.
Autoritetet shëndetësore theksojnë se shëndeti i fëmijëve është mbrojtja më e mirë për ta dhe për shoqërinë. Prandaj, prindërit ftohen që në ditët në vijim të vizitojnë qendrën më të afërt të mjekësisë familjare për të kryer vaksinimin e nevojshëm para nisjes së vitit të ri shkollor.
Opojanet ka hapur kanalin në Whats App dhe ju mund të na bashkoheni për të ndjekur lajmet tona BASHKOHU KËTU.
