Gjykata Kushtetuese e ka publikuar aktgjykimin e plotë rreth rastit të deputetit Etem Arifi. Me këtë vendim, Kosova shkon drejt zgjedhjeve të jashtëzakonshme.
Kushtetuesja ka konstatuar se personi i dënuar për vepër penale me një vendim gjyqësor të formës së prerë në tre vitet e fundit, nuk mund të jetë kandidat për deputet e as të fitojë mandat të vlefshëm në Kuvend.
Po ashtu është konstatuar se zgjedhja e Qeverisë Hoti, më 3 qershor, s’është në pajtueshmëri me Kushtetutën e Kosovës dhe duke kërkuar që presidenti të shpallë zgjedhjet, të cilat duhet të mbahen jo më vonë se 40 ditë nga dita e shpalljes së tyre.
Sipas Kushtetueses, aktgjykimi s’ka efekt prapaveprues. Qeveria Hoti mbetet qeveri në detyrë.
Opojanet ka hapur kanalin në Whats App dhe ju mund të na bashkoheni për të ndjekur lajmet tona BASHKOHU KËTU.
