Opoja.net

Në tre mujorin e tretë të vitit 2020 shkalla e papunësisë në Kosovë ishte 24.6%

Në tre mujorin e tretë të vitit 2020 shkalla e papunësisë në Kosovë ishte 24.6%

Agjencia e Statistikave të Kosovës (ASK) ka publikuar Rezultatet e Anketës së Fuqisë Punëtore (AFP), për tremujorin e tretë (TM3) 2020

ASK-ja ka njoftuar se për shkak të Pandemisë COVID-19, që kishte përfshirë edhe Republikën e Kosovës, rezultatet e Anketës së Fuqisë Punëtore (AFP) për TM3 2020 nuk janë publikuar sipas datës së planifikuar të kalendarit statistikor të publikimeve të vitit 2020, pasi ASK-ja nuk ka mundur që të vazhdojë grumbullimin e të dhënave në terren nga 16 marsi 2020.

Andaj, grumbullimi i të dhënave nga terreni për TM3 2020 është bërë pas lehtësimit të disa masave nga ana e Qeverisë së Kosovës, së bashku me grumbullimin e të dhënave për TM2 2020. Pra, nga data 06 korrik 2020, ASK-ja ka rifilluar grumbullimin e të dhënave në terren për të kompletuar të dhënat për TM2 dhe TM3 2020 dhe ka vazhduar deri më 04 tetor 2020.

Pasi anketa e ASK-së është sipas rotacionit të mostrës me panele, të dhënat më reprezentative do të jenë të disponueshme në raportin përfundimtar për vitin 2020.

ASK0ja bënë të ditur se sipas rezultateve të dala nga ky publikim, dy të tretat (2/3) e popullsisë në Kosovë janë popullsi në moshë pune. Në popullsinë e moshës së punës përfshihen moshat 15-64 vjeçare. Në kuadër të popullsisë në moshë pune, shkalla e pjesëmarrjes në fuqinë punëtore është 40.0%.

Shkalla e punësimit në Anketën e Fuqisë Punëtore (AFP), për tremujorin e tretë (TM3) 2020 është 30.1%.

Punësimi me i lartë është te meshkujt 46.2%, ndërsa punësimi te femrat është 14.4%.

Femrat janë të punësuara, kryesisht në sektorët e arsimit, tregtisë dhe kujdesit shëndetësor, me 49.7% të tyre, ndërsa meshkujt janë kryesisht të punësuar në sektorët e ndërtimtarisë, tregtisë dhe prodhimit me 46.5%.

Sektorët ekonomik, që prijnë me punësim, vazhdojnë të jenë: tregtia me 17.2%; ndërtimtaria me 13.3%; prodhimi me 11.3%; dhe arsimi me 9.1%. Ndërsa, sektorët e tjerë marrin pjesë me përqindje më të vogël në punësim.

Sa i përket të të punësuarve me kontrata, del se 42.1% e personave të punësuar kanë kontratë të përhershme në punën e tyre kryesore, ndërkohë që 57.9% kanë kontratë të përkohshme.

E sipas rezultateve të AFP-së, në TM3 2020, shkalla e papunësisë është 24.6%.

Ndërsa, sipas ASK-së papunësia më e theksuar është te femrat me 33.1%, krahasuar me meshkujt, 21.5%. Shkalla më e theksuar e papunësisë është te grupmoshat 15-24 vjeçare me 46.9%.

Sipas rezultateve të AFP-së, në TM3 2020, fuqia joaktive është mjaft e lartë me 60.0%, me fokus të veçantë te femrat me 78.5 %, krahasuar me meshkujt, 41.1%.

Për realizimin e AFP-së, TM3 2020, metodologjia dhe standardet e aplikuara nga ana e ASK-së janë të harmonizuara me rekomandimet e Eurostat-it.

Sot pritet të arrijnë në Kosovë 4 mijë e 680 vaksina Pfizer

Opoja.net

Mbi 100 mijë kosovarë punojnë pa kontrata, këto janë vendet e punës që “u shuan” në pandemi

Opoja.net

Gjendet kuleta me të holla në Prizren, kërkohet pronari i saj

Opoja.net
Agjencia e Lajmeve
www.opoja.net