Me guxim të jashtëzakonshëm dhe përkushtim të pashoq, Nëntogere Vesa Ibrahimi ka hyrë në histori si gruaja e parë jo-amerikane që diplomon ndonjëherë në Ranger School – një nga trajnimet më sfiduese dhe elitare të Ushtrisë së Shteteve të Bashkuara.
Kjo është një arritje që tejkalon kufijtë personalë – është një fitore për Forcën e Sigurisë së Kosovës, për shtetin tonë dhe për çdo vajzë që guxon të ëndërrojë shërbimin ndaj atdheut.
Edhe Presidentja e Kosovës, znj. Vjosa Osmani, ka vlerësuar këtë sukses si një kapitull të ri të shkruar me guxim dhe përkushtim, duke theksuar krenarinë që ndan i gjithë vendi për këtë arritje historike.
Urime, Nëntogere Ibrahimi – Kosova është krenare me ty!
Opojanet ka hapur kanalin në Whats App dhe ju mund të na bashkoheni për të ndjekur lajmet tona BASHKOHU KËTU.
