Opoja.net

Nesër fillon fushata zgjedhore, kaq mund të dënohen subjektet politike nëse shkelin rregullat

Sonte pas mesnate edhe zyrtarisht  do të fillojë fushata zgjedhore për zgjedhjet lokale të 17 tetorit.

Përkundër situatës pandemike e rekomandimeve të IKSHPK-së, partitë politike s’e gjetën dot konsensusin për t’i shtyer ato.

5446
SONDAZH / Zgjedhjet Lokale
Kandidati juaj i preferuar për kryetar të Dragashit?

Sipas ligjit për zgjedhje, KQZ nuk e ka në diskrecion mundësinë e shkurtimit të fushatës, çka do të thotë se, ashtu siç e konfirmoi dje institucioni në fjalë, do të zgjasë 30 ditë.

Por, pavarësisht që ligji për zgjedhjet lokale përcakton që fushata të jetë 30 ditë, një gjë e tillë siç duket kësaj here nuk do të zbatohet nga partitë politike.

Kjo, për shkak të situatës me Covid-19 në Kosovë e cila që nga fillimi i muajit gusht ka qenë dhe vazhdon të jetë mjaftë e rënduar, shkruan FrontOnline.

E, për këtë disa nga partitë politike kanë vendosur që vet ta përcaktojnë se sa ditë do të zhvillojnë fushatë.

Aleanca për Ardhmërinë e Kosovës, ka bërë të ditur se kanë vendosur që fushata të jetë vetëm pesë ditë.

Madje edhe, për këto ditë kanë thënë se do të mundohen që fushatën ta zhvillojnë në përputhje me rekomandimet për parandalimin e përhapjes së virusit.

“Po ashtu jemi të përcaktuar që edhe këtë afat 5 ditor të fushatës, ta zhvillojmë në përputhje të plotë me kriteret dhe rekomandimet për parandalimin e përhapjes së virusit”, ka shkruar lideri i AAK-së, Ramush Haradinaj.

Fushatë pesë ditore kanë paralajmëruar edhe nga Lidhja Demokratike e Kosovës, shkruan FrontOnline.

I pari i LDK-së, Lumir Abdixhiku pas takimit të së hënës më presidentin Vjosa Osmani, shtoi se partia e tij do të ushtrojë vullnetarisht fushatë pesë ditore ose fare.

“LDK do të ushtroj vullnetarisht fushatë pesë ditore ose hiç, për të ruajtur shëndetin e njerëzve. Një skenar i tillë politik nuk bën të ekzekutohet pasi në pyetje është demokracia, s’ka të bëjë me vullnetin e zgjedhje, nuk kishte pajtueshmëri për shtyrjen e zgjedhjeve. Kjo është një ditë e mirë për demokracinë. Ne duhet të kujdesemi për shëndetin e qytetarëve tanë por mbi të gjithë qeveria”, shtoi ai.

Por, sa mund të dënohen subjektet politike për shkelje të rregullave të fushatës?

Kryesuesi i sekretariatit të Panelit Zgjedhor për Ankesa dhe Parashtresa, ka bërë të ditur për FrontOnline se një gjobë ndaj një subjekti politik mund të arrijë deri në 50 mijë euro.

“Në bazë të nenit 14 të Ligjit për Ndryshimin dhe Plotësimin e Ligjit Nr. 03/-073 Për Zgjedhjet e Përgjithshme në Republikën e Kosovës, neni 120 i ligjit në fuqi, paragrafi  1. pikat c riformulohet në atë mënyrë dhe përcakton se, është në kompetencë të PZAP-it që  të vendosë një gjobë ndaj një subjekti politik në vlerë deri në pesëdhjetëmijë euro(50,000) Euro”, ka deklaruar Desku, për FrontOnline.

Në zgjedhjet e fundit të 14 shkurtit të këtij viti PZAP-ja gjithsej ka shqiptuar 208 mijë e 350 euro për partitë politike.

Partia e cila është dënuar më së shumti ka qenë PDK-ja me gjithsej 66 mijë e 100 euro, e dyta ka qenë Aleanca për Ardhmërinë e Kosovës me 52 mijë e 750 euro, dhe e treta Lëvizja Vetëvendosje me 40 mijë e 700 euro.

Zaev krah Kurtit: Kosova është një nga partnerët tanë më të mirë

Opoja.net

Sot zyrtarisht fillon fushata zgjedhore, IKShPK apelon që të ndalohen tubimet

Opoja.net

Kurti-Lajçakut: Kosova është palë në dialog, jo temë

Opoja.net
Agjencia e Lajmeve
www.opoja.net
Fokusi
Shiko
Zgjedhjet
Kontribo
Raporto