Opoja.net

Osmani: Do të jemi zëri i Ferdonijes e nënave tjera në kërkim të drejtësisë

Ushtruesja e detyrës së presidentes, që është edhe kandidate për presidente, Vjosa Osmani, ka takuar sot në 13-vjetorin e Pavarësisë së Kosovës, Ferdonije Qerkezin, shkruan Gazeta Sinjali.

E përmbyllëm këtë ditëlindje të shtetit tonë në vizitë tek Nëna Ferdonije Qerkezi, të cilës që nga viti 1999 i mungojnë bashkëshorti e djemtë, që u zhdukën me dhunë nga forcat serbe. Kjo datë, 17 shkurti, është edhe data e lindjes së djalit të saj, Artanit”, shkroi ajo në Facebook.

Osmani, pas këtij takimi, ka thënë se zotim i saj dhe i Qeverisë së re do të jetë ngritja e zërit për të kërkuar drejtësi.

“Shtëpia ku akoma ruhen gjësendet e djemve të saj, të cilëve  ajo çdo ditë ju flet nëpërmjet fotografive të tyre, na përkujton se sa i lartë ishte çmimi i lirisë. Rrobat e tyre, lodrat me të cilat ishin rritur, lugët me të cilat kishin ngrenë, e djepi në të cilin i kishte përkundur…që të gjitha ishin ende aty, në këtë shtëpi muze. Dhimbje që nuk përshkruhet me fjalë, e plagë që nuk mbyllet pa drejtësi e pa kthimin e të gjithë të zhdukurve në tokën e të parëve tanë. Në këtë 13- vjetor të shtetit tonë, ritheksojmë zotimin se secila e secili prej nesh do të jemi zëri i nënës Ferdonije e i mijëra nënave të tjera anekënd Kosovës në kërkim të drejtësisë. Asnjë festë e asnjë përvjetor nuk do të jetë kremte e plotë pa u kthyer njerëzit tanë”, shtoi Osmani.

Moti sot i nxehtë dhe me vapë, temperaturat deri në 38 gradë Celsius

Opoja.net

IKSHPK: Shmangni konsumimin e mishit, peshkut e suxhukut

Opoja.net

Ky është viktima nga Prizreni që humbi jetën në aksidentin tragjik në Kroaci

Opoja.net
Agjencia e Lajmeve
www.opoja.net