Pas tensioneve në veri, të mërkurën takimi në Bruksel mes Kosovës e Serbisë

Opoja.net Opoja.net Kosova

Pas tensioneve të ngritura pas reciprocitetit të vendosur për targat, në Bruksel, pala kosovare dhe ajo serbe këtë javë pritet të mbajnë takim dialogu.

Takimi pritet të mbahet këtë të mërkure, mes shefave të ekipeve negociatore të Kosovës dhe Serbisë, njofton Klankosova.tv.

Këtë takim mes zëvendëskryeministrit Besnik Bislmi njëherit shef i ekipit negociator kosovar dhe shefit negociator serb Petar Petkoviq, e ka konfirmuar për Klankosova.tv, zyrtari i Lartë për Informim për Politikë të Jashtme në Bashkimin Europian, Peter Stano.

Përfaqësuesi i Lartë i Bashkimit Euopian për Politikë të Jashtme dhe Siguri, Josep Borrell, ka përsëritur të dielën thirrjen drejt palëve që të punojnë në zbutjen e tensioneve në veri të Kosovës dhe është shprehur se, një hap i parë në këtë drejtim do të ishte shkuarja e kryenegociatorëve në Bruksel.

Ngjashëm ka bërë thirrje edhe sekretari i Përgjithshëm i NATO-s, Jens Stoltenberg pas bisedës që zhvilloi me kryeministrin Albin Kurti, dhe presidentin serb Aleksandar Vuçiq.

/OPOJAnet/

Opojanet ka hapur kanalin në Whats App dhe ju mund të na bashkoheni për të ndjekur lajmet tona BASHKOHU KËTU.

- Reklama-
- Reklama-