Këtë e ka bërë të ditur kandidati për kryetar të Komunës së Sharrit nga radhët e Lëvizjes VETËVENDOSJE!, Filiz Mustafa.
Ja postimi i plotë:
Mirë se vjen në Lëvizje dhe mirë se bashkohesh në listën e fitores, Prof.Fejzi Selmani!
Kam kënaqësinë t’ua prezantoj një bashkëpunëtor të ri dhe një zë të çmuar që po i bashkohet Lëvizjes VETËVENDOSJE! në Komunën e Sharrit. Prof. Fejzi Selmani do të jetë kandidat për Kuvendin Komunal të Sharrit.
I lindur më 24 prill 1966 në fshatin Bresanë, Prof. Fejziu është një emër i njohur në arsimin e komunës sonë. Shkollimin fillor dhe të mesëm e ka përfunduar në Bresanë dhe Dragash, ndërsa studimet universitare në Fakultetin e Filologjisë të Universitetit të Prishtinës, drejtimi Gjuhë Angleze dhe Letërsi.
Për më shumë se 30 vjet, ai ka dhënë kontribut të jashtëzakonshëm si mësimdhënës: 14 vjet në shkollën fillore në Bresanë dhe 16 vjet në Gjimnazin “Ruzhdi Berisha” në Dragash.
Me përvojën, qetësinë dhe urtësinë që e karakterizon, Fejziu është një vlerë e shtuar për ekipin tonë dhe për të gjithë qytetarët e komunës. Ai është shembulli më i mirë i përkushtimit dhe ndershmërisë në shërbim të brezave të rinj.
Bashkë me profesorin dhe me ekipin tonë të përkushtuar, po ndërtojmë një ofertë serioze për të ardhmen e Sharrit, një qeverisje që punon për qytetarin, që respekton dijen dhe që sjell ndryshim të vërtetë.
Opojanet ka hapur kanalin në Whats App dhe ju mund të na bashkoheni për të ndjekur lajmet tona BASHKOHU KËTU.
