Në një fotografi të publikuar në rrjetet sociale nga njëri prej aktivistëve të LDK-së në komunën e Dragashit, përveç aktivistëve të LDK-së nga kjo komunë, shihet edhe ish-presidenti, tanimë i ndjerë, Ibrahim Rugova.
Sipas aktivistit Bexhet Xheladini, bëhet fjalë për një fotografi të bërë gjatë një takimi të aktivistëve të Dragashit me ish-presidentin Rugova.
“Vitet shkojnë, kujtimet mbesin. Të ulur si në odë. Aktivistë nga LDK-ja, Dragash, në vizitë të njeriu më i dashur i Shqiptarisë”, ka shkruar Xheladini në përshkrimin e fotografisë në Facebook.
“Fotografia është bërë në vitin 2001. Takimi është zhvilluar në Presidencë – në shtëpinë e Ibrahim Rugovës në Velani”, ka thënë Xheladini për Telegrafin.
Opojanet ka hapur kanalin në Whats App dhe ju mund të na bashkoheni për të ndjekur lajmet tona BASHKOHU KËTU.
