KF Opoja sot shënon një rikthim të veçantë në gjirin e skuadrës. Një emër i njohur për fanellën bardhë e gjelbër, një figurë që ka dhënë shumë brenda dhe jashtë fushës – ish-kapiteni Behar Rifaj rikthehet aty ku i takon.
Ky nuk është thjesht një transferim i radhës. Është rikthim i përvojës, i karakterit dhe i shpirtit luftarak që e ka shoqëruar gjithmonë ekipin tonë. Me lidershipin e tij, me qetësinë në momente vendimtare dhe me përkushtimin ndaj skuadrës, Behar Rifaj përfaqëson më së miri frymën e KF Opoja.
Rikthimi i tij shihet si një shtysë e madhe për ekipin, si në aspektin sportiv ashtu edhe në atë moral, duke rritur besimin dhe unitetin brenda grupit në rrugëtimin drejt synimeve të mëdha.
Mirë se u riktheve në shtëpi, Kapiten. Opoja është më e plotë me ty. 💚🤍⚽️
Opojanet ka hapur kanalin në Whats App dhe ju mund të na bashkoheni për të ndjekur lajmet tona BASHKOHU KËTU.
