Kënaqësi e veçantë që Senat Trupaj, pjesë e stafit tonë, ishte pjesë e organizimit të turneut “Ne për Mërgatën – Mërgata për Vendlindjen” Për Opoja.net është gjithmonë nder kur pjesëtarët e ekipit tonë angazhohen në aktivitete që mbledhin rininë, mërgatën dhe gjithë dashamirët e vendlindjes në një frymë të përbashkët.
Këtë herë, kënaqësia është edhe më e madhe kur pjesë e stafit organizativ të turneut ishte edhe Senat Trupaj – një i ri plot energji nga Kosava, i njohur për angazhimin e tij të palodhshëm në dobi të komunitetit dhe promovimit të vlerave lokale. Kontributi i tij në çdo detaj të organizimit të këtij aktiviteti u ndie dhe u vlerësua, duke dëshmuar edhe njëherë se rinia jonë ka kapacitetin dhe vullnetin për të sjellë ndryshim dhe për të mbajtur gjallë lidhjen me vendlindjen.
Falë njerëzve si Senati, që i japin jetë ideve dhe u qëndrojnë afër bashkëfshatarëve dhe mërgimtarëve, projektet tona marrin kuptim dhe qëndrueshmëri.
Opojanet ka hapur kanalin në Whats App dhe ju mund të na bashkoheni për të ndjekur lajmet tona BASHKOHU KËTU.
