Ambasada e Shteteve të Bashkuara në Prishtinë ka njoftuar sot, më 12 shtator 2025, se ka pezulluar pa afat zhvillimin e Dialogut Strategjik me Kosovën.
Sipas njoftimit, arsyeja lidhet me veprimet e Qeverisë në detyrë, të cilat, sipas SHBA-së, kanë shtuar tensionet dhe kanë penguar mundësinë e bashkëpunimit të frytshëm mbi prioritetet e përbashkëta.
“Qëndrojmë të përkushtuar për të avancuar interesat e përbashkëta me popullin e Kosovës. Marrëdhënia jonë mbështetet në synimin e përbashkët për forcimin e paqes dhe stabilitetit si bazë për mirëqenie ekonomike,” thuhet në deklaratë.
Strategjia e paraparë kishte për qëllim forcimin e lidhjeve ekonomike e diplomatike ndërmjet dy vendeve, por Uashingtoni shprehet se kjo do të mund të rikthehet në të ardhmen, kur kushtet të jenë të përshtatshme.
Opojanet ka hapur kanalin në Whats App dhe ju mund të na bashkoheni për të ndjekur lajmet tona BASHKOHU KËTU.
