Shkolla fillore “Sezai Surroi” në Bellobrad i është drejtuar zyrtarisht Policisë së Kosovës me një kërkesë urgjente për marrjen e masave të sigurisë, pas paraqitjes së arinjve të egër në afërsi të fshatit.
Në dokumentin zyrtar, drejtoria e shkollës thekson se prania e këtyre kafshëve të rrezikshme po krijon shqetësim serioz për nxënësit, stafin arsimor dhe të gjithë banorët e fshatit, sidomos gjatë orëve të mëngjesit dhe pasdites kur nxënësit udhëtojnë drejt dhe nga shkolla.
Shkolla kërkon ndërhyrje të menjëhershme për largimin dhe eliminimin e rrezikut, duke apeluar për reagim të shpejtë të institucioneve përgjegjëse.
Dokumenti është nënshkruar nga ushtruesi i detyrës së drejtorit, MSc. Ajas N. Myrtazani, dhe është dërguar më datë 11.10.2025.
Opojanet ka hapur kanalin në Whats App dhe ju mund të na bashkoheni për të ndjekur lajmet tona BASHKOHU KËTU.
