Në Shqipëri kanë mbërritur disa nga liderët që do të marrin pjesë në Samitin e Komunitetit Politik Evropian, që mbahet nesër, transmeton Anadolu.
Në Tiranë sot ka mbërritur edhe presidenti i Ukrainës, Volodymyr Zelenskyy, i cili është pritur në Aeroportin Ndërkombëtar “Nënë Tereza” nga ministri i Mbrojtjes i Shqipërisë, Pirro Vengu, ministri i Ekonomisë, Kulturës dhe Inovacionit, Blendi Gonxhja, dhe zyrtarë të tjerë.
Gjithashtu, zyrtarët e Shqipërisë kanë pritur në aeroport edhe kryeministrin e Holandës, Dick Schoof, presidenten e Moldavisë, Maia Sandu, dhe presidenten e Parlamentit Evropian, Roberta Metsola.
Më herët gjatë ditës në Shqipëri mbërritën edhe kryeministri i Britanisë së Madhe, Keir Starmer, kryeministri i Finlandës, Petteri Orpo, presidenti i Këshillit Evropian, Antonio Costa, sekretari i Përgjithshëm i Organizatës për Siguri dhe Bashkëpunim në Evropë (OSBE), Feridun Sinirlioğlu dhe zyrtarë të tjerë.
Në samit pritet edhe pjesëmarrja e Presidentit të Turqisë, Recep Tayyip Erdoğan.
Samiti i Gjashtë i Komunitetit Politik Evropian do të mbahet nesër në Tiranë, duke mbledhur së bashku kryetarë shtetesh dhe qeverish dhe përfaqësues të institucioneve kryesore evropiane dhe të tjera ndërkombëtare.
Opojanet ka hapur kanalin në Whats App dhe ju mund të na bashkoheni për të ndjekur lajmet tona BASHKOHU KËTU.
