Në Kosovë kanë mbetur vetëm edhe 97 mijë e 933 vaksina kundër COVID-19, e në ditën e martë pritet të fillojë vaksinimi masiv në nivel vendi.Deri më tani në Kosovë përmes programit COVAX dhe Bashkimit Evropian si donacion kanë ardhur gjithsej 196 mijë 210 doza të vaksinës kundër COVID-19.
Më 28 mars kanë ardhur 24 mijë doza AstraZeneca- donacion i COVAX, pastaj më 04 maj kanë ardhur 4.680 vaksina Pfizer-donacion i BE-së, më 12 maj, 38,400 vaksina AstraZeneca-donacion i COVAX, më 18 maj, 3.510 vaksina Pfizer donacion nga BE. Kurse, më 27 maj kanë ardhur 100,620 vaksina Pfizer nga fondacioni COVAX, 15,000 doza nga Mekanizmi i Bashkimit Evropian për Ballkani Perëndimor dhe më 10 qershor kanë arritur edhe 10,000 vaksina donacion i Kroacisë, nga aleanca COVAX.
Koordinatori i Qendrës së vaksinimit “1 Tetori”, Niman Bardhi sot në një konferencë për media, tha se data 15 qershor është definitive për fillimin e vaksinimit masiv të popullatës.Ministri i Shëndetësisë, Arben Vitia në mbledhjen e qeverisë më 28 mars, pati thënë se plani i vaksinimit në masë nënkupton administrim e një numër shumë më të madh të vaksinave brenda 1 muaji në Republikën e Kosovës që mendohet mes 300, 400 mijë vaksinave në muaj.
Nga 196 mijë 210 vaksina të ardhura në Kosovë, deri sot janë dhënë rreth 99 mijë doza. Kurse, për vaksinimin masiv mbesin vetëm edhe 97 mijë e 933 doza të vaksinave.
E nëse shikohet numri i vaksinave që kanë mbetur dhe planin që përmend ministri Vitia për të vaksinuar 300 apo 400 mijë persona në muaj, i bije që vaksina të ketë vetëm në javën e parë të vaksinimit masiv.Lidhur me këtë çështje, KosovaPress ka kontaktuar zëdhënësin e MSh-së, Faik Hotin por ai nuk ka qenë i qasshëm.
Përndryshe, deri tash dihet se MSh ka blerë edhe mbi 1.2 milion doza të vaksinave të cilat do të arrijnë deri në fund të vitit.
Opojanet ka hapur kanalin në Whats App dhe ju mund të na bashkoheni për të ndjekur lajmet tona BASHKOHU KËTU.
