Ushtarët amerikanë të aviacionit të caktuar në Komandën Rajonale Lindje të misionit të KFOR-it të udhëhequr nga NATO kanë zhvilluar së fundmi stërvitjen e njohur si “Bambi Bucket”, e cila synon përgatitjen për ndërhyrje në rast zjarresh të egra në rajon, shkruan Gazeta Sinjali.
Kjo stërvitje përfshin përdorimin e pajisjeve ajrore për fikjen e zjarreve dhe ka për qëllim të sigurojë që njësitë e aviacionit të jenë të gatshme për të ndihmuar komunitetet në Kosovë në rast emergjencash.
“Këto përpjekje janë bërë nga KFOR-i, brenda mjeteve dhe kapaciteteve të tij – për të mbështetur të gjitha komunitetet që jetojnë në Kosovë”, thuhet në njoftimin e misionit.
KFOR-i thekson se zbaton mandatin e tij sipas Rezolutës 1244 të Këshillit të Sigurimit të OKB-së të vitit 1999, me qëllim garantimin e një mjedisi të sigurt për të gjithë njerëzit dhe komunitetet në Kosovë, si dhe të lirisë së lëvizjes në çdo kohë. Ai punon në bashkëpunim të ngushtë me Policinë e Kosovës dhe misionin EULEX, në kuadër të rolit të tyre si reagues të sigurisë.
Opojanet ka hapur kanalin në Whats App dhe ju mund të na bashkoheni për të ndjekur lajmet tona BASHKOHU KËTU.
