Moti me temperatura të larta do të vazhdojë edhe sot, ka njoftuar Instituti Hidrometeorologjik i Kosovës
Masat e ngrohta të ajrit të cilat ishin prezent ditëve të fundit, do të vazhdojnë me të njëjta vlera termike edhe për sot dhe nesër ku temperaturat do të arrijnë deri në 35 gradë.
Sipas Institutit Hidrometeorologjik të Kosovës nga dita e martë pos vlerave të larta termike parashikohet që vende–vende të ketë riga shiu të cilat parashihen të përsëriten edhe ditën e mërkurë.
Temperaturat nga e mërkura parashihen të shënojnë rënie në të dy vlerat ekstreme.
Temperaturat minimale gjatë këtyre pesë ditëve të ardhshme parashihen të lëvizin ndërmjet 12-17 gradë Celsius, ndërsa maksimalet e ditës parashihen të lëvizin ndërmjet 25-35 gradë Celsius.
Indeksi UV vazhdon t’i mbanë vlerat e rrezikut, prandaj këshillohet të kufizohemi nga rrezet direkte të diellit nga ora 10-17, ose të përdorim masat mbrojtëse.
Do të fryjë erë kryesisht nga verilindja e lehtë dhe lokalisht e forte.
