Opoja.net

​Paraburgim ndaj dy të dyshuarve që e rrahën një person në Prizren pas një fjalosje në kafene

​Paraburgim ndaj dy të dyshuarve që e rrahën një person në Prizren pas një fjalosje në kafene

Gjykata Themelore në Prizren ka caktuar masën e paraburgim prej 30 ditëve ndaj dy personave për shkaktim të lëndimit të rëndë trupor.

D.R. dhe E.R. akuzohen se në natën e 24 marsit në Prizren, kishin rrahur një person, pasi me të fillimisht ishin fjalosur në kafene

Dy të pandehurit ishin duke konsumuar alkool dhe thuhet se nga viktima fillimisht ishin fyer e sharë.

Në momentin kur viktima kishte dal nga kafeneja, ata i ishin sulur pas, e kishin ndjekur me veturë. E kishin ndaluar viktimën dhe e kishin goditur me shkelma e grushte në kokë, duke e lënë të shtrirë përtokë.

Ata ishin larguar më pas, ndërsa viktima ishte vërejtur i shtrirë përtokë nga një kalimtar i rastit që e kishte lajmëruar Emergjencën.

Gjyqtari i procedurës vlerëson se janë plotësuar kushtet për caktimin e paraburgimit, duke pasur parasysh faktin se të pandehurit veprën penale dyshohet se e kanë kryer më datë 24 mars, ndërsa më pas kanë ikur nga vendi i ngjarjes, dhe pas veprimeve operative e hetimore të organeve të ndjekjes ata janë identifikuar dhe arrestuar më datë 26 mars, shton dyshimin e bazuar që nëse të njëjtëve nuk iu caktohet paraburgimi, ata mund të arratisen dhe të jenë të pa kapshëm për organet e drejtësisë në faza tjera të procedurës penale, me çka do paraqiste pengesë reale për zhvillimin e rregullt të procedurës hetimore në këtë çështje penale. Gjykata ka ardhur në përfundim se caktimi i paraburgimit ndaj të pandehurve është masë konkrete, duke marrë parasysh edhe karakteristikat personale të të pandehurve dhe sjelljen e mëparshme të tyre, duke u bazuar në informacionin nga evidenca për të kaluarën kriminale, rezulton se të pandehurit e lartcekur janë recidivistë, kryerës të mëhershëm të veprave penale të natyrës së njëjtë, por edhe të natyrave tjera”, thuhet në njoftimin e Gjykatës Themelore të Prizrenit.

Masa e paraburgimit ndaj dy të akuzuarve hynë në fuqi nga 24 marsi, kur është kryer vepra.

Rrahen tre policë në Prizren, bëhen për spital

Opoja.net

​Zhduket një e mitur në Prizren

Opoja.net

Vdes një grua shtatzënë në QKUK, ishte e infektuar me COVID-19

Opoja.net
Agjencia e Lajmeve
www.opoja.net