Alajdini, i lindur më 20.07.1974 në Prizren, nga nëna Zyrafetja dhe babai Nevzati të Bresanës së Dragashit, qe nga të parët pjestarë të UÇK-së, të cilin serbët gjatë luftimeve të më hershme më 01.09.1998 e patën plagosur në njërën nga ofanzivat e Vërrinit. Pas shërimit përsëri rikthehet në UÇK.
Më 11.03.1999, ra heroikisht, së bashku me 8 shokë të tjerë, duke luftuar kundër qetnikëve serbë në betejën e njohur “Të Jeshkovës”. Është i varrosur në varrezat e dëshmorëve në Landovicë të Prizrenit.
KK i Dragashit, nga një vendim i vitit 2015, zyrtarisht emërtoi Shtëpinë e Kulturës në Bresanë me emrin e dëshmorit: “Alajdin Xhezairi”. Zoti e shpërbleftë familjen “XHEZAIRI” për kontributin e çmuar që dha për lirinë e Kosovës. Është nder për rrethinën tonë që ta kujtojmë përherë këtë emër e mbiemër. Pjesë e kësaj familjeje të nderuar është edhe strategu shembullor i UÇK-së Samidin Xhezairi- “Komandant Hoxha.”
Më 17.02. 2016, nga ishpresidentja Atifete Jahjaga, familjarëve të Alajdinit iu dha dekorata shtetërore:
URDHRI LUFTËTAR ILIRISË “ADEM JASHARI”
‘ALAJDIN XHEZAIRI’
PËR TRIMËRI NË LUFTËN PËR LIRI
(Autori: Kasam Muhameti)
Opojanet synon të ndihmojë në lartësimin dhe vetëdijesimin e dijes dhe kulturës për trevën tonë. Kontributi juaj do të na ndihmojë në vazhdimin e këtij misioni. Ju faleminderit! Kontriboni KËTU.
