Kryetari i Lidhjes Demokratike të Kosovës, Lumir Abdixhiku, ka vizituar sot komunën e Dragashit për të uruar kryetarin Bexhet Xheladini dhe ekipin e LDK-së pas fitores së dytë radhazi në këtë komunë.
Në një postim në rrjetet sociale, Abdixhiku e cilësoi këtë fitore si më shumë se një rezultat zgjedhor një mirënjohje për punën, përkushtimin dhe seriozitetin e ekipit që i ka shërbyer Dragashit me dinjitet e punë të ndershme.
“Qytetarët e kësaj treve të punës, traditës dhe besës dhanë një mesazh të qartë: punët e mira vlerësohen, drejtimi i drejtë shpërblehet,” shkroi Abdixhiku, duke falënderuar për ngrohtësinë dhe mikpritjen që iu bë gjatë vizitës.
“Jemi me fat që ju kemi,” përfundoi ai.
Opojanet ka hapur kanalin në Whats App dhe ju mund të na bashkoheni për të ndjekur lajmet tona BASHKOHU KËTU.
