Pas fitores së Vetëvendosjes dhe kandidatit të saj në Podujevë, Shpejtim Bulliqi, të menjëhershme kanë qenë reagimet edhe nga eksponentë dhe aktivistë të kësaj partie nga komuna e Dragashit.
Laurat Krasniqi, asambleisti i vetëm në Kuvendin Komunal të Dragashit nga VV, nuk ka ngurruar që sërish ta ngacmojë kreun e e Degës së LDK-së në këtë komunë, Selim Kryeziun. “Pas Agimit radhen e ka Selimi këtu në Sharr. Këta pengues të ndryshimeve në komunën tonë”, ka shkruar Laurat Krasniqi në Facebook.
Ndërkohë, kryeyari i Qendrës së Vetëvendosjes për Dragash, Ibrahim Ajupi, duke i uruar fitoren Shpejtim Bulliqit, ka shkruar se “ndryshimi ishte i domosdoshëm, prandaj llapjanët e bënë atë me vullnet dhe guxim”.
Edhe Ramazan Fetahu, anëtari dhe aktivisti më i ri i kësaj Lëvizjeje në Dragash, nuk e ka lënë pa komentuar për zhvillimet e sontme.
“Sot në Llap, nesër në Sharr. Ndryshimi po ndodhë. Urime Vetëvendosje, urime Podujevë”, ka shkruar Ramazan Fetahu./Opoja.net/
