Opoja.net

Alarmuese ndotja e lumit në fshatin Bresanë

Alarmuese ndotja e lumit në fshatin Bresanë

Gazetari dhe publicisti nga Bresana, Demir Reshiti në një postim në facebook ka ri-ngritur shqetësimin e tij për ndotjen e lumit të Bresanës.

“Kështu dukej sonte lumi i Bresanës i fotografuar nga ura e Duraje. Shumëfish më irrituese se uji i zi, ishte kundërmimi i tmerrshëm që ta zinte frymën përcjellë Televizioni Opoja!
Është momenti i fundit që të ndërmerret ndonjë masë ndaj ndotësve!”, kishte shkruar Demiri në postimin e datës 23 shkurt 2020, dhe këtë postim e ka ilustruar me një fotografi ku uji i lumit duket tërësisht i zi nga plehrat që kanë derdhur qytetarë të pandërgjegjshëm…
Image may contain: outdoor, water and nature
Ky postim ka nxitur shumë reagime dhe debate dhe pothuajse të gjithë reaguesit kanë shprehur shqetësimin e tyre e madje kanë postuar edhe fotografi në të cilat dëshmohet se gjendje e tillë shqetësuese paraqitet edhe në lumenjtë e fshatrave tjera të Opojës.
Demiri përveç shqetësimit të ngritur, ka dhënë edhe disa propozime për ta evituar këtë dukuri të shëmtuar…
Lexoni në vazhdim shqetësimin e ngritur nga Demiri bashkë me propozimet konkrete për masat që duhet ndërmarrë:

TURP… TURP… TURP!

Kështu duket sot lumi i Bresanës. Mbeturina nga të gjitha llojet gjenden te hedhura në këtë lum nga njerëz të pandërgjegjshëm. Këto mbeturina janë rrezik potencial për shëndetin e banorëve…

Edhe pse kompania e pastrimit një herë në javë e mbledh bërllokun, disa familje që nuk paguajnë i hedhin mbeturinat në lum. Ata arsyetohen se kompania ka shtrenjtuar shërbimet gati 200% pa paralajmërim a konsultim paraprak me banorët andaj nuk po paguajnë!
Mendoj se duhet të ndërmerren urgjentisht masa që lumi të pastrohet dhe të ndëshkohen ata që hedhin mbeturina e gjithashtu edhe kompania që bën grumbullimin e mbeturinave t’i kthej çmimet në nivelin e mëparshëm…

Masat që urgjentisht duhet ndërmarrë:

1. Të angazhohet një kompani e pastrimit e cila do të ndihmohej nga të rinj vullnetarë të fshatit për pastrimin e lumit përgjatë tërë rrjedhës nëpër fshat;
2. Të mbahet një mbledhje e karakterit vetëdijesues me banorët e fshatit në të cilën udhëheqësit e fshatit (nëse ka të tillë), imamët e të dy xhamive, mjekë, intelektualë si dhe përfaqësues të subjekteve politike nga fshati Bresanë t’ju flasin banorëve për rrezikun që përbën hedhja e mbeturinave në lum. Në mbledhje të ftohen edhe përfaqësues të kompanisë së autorizuar për heqjen e bërllokut si dhe të inspektoratit komunal dhe të merren vendime për ndëshkimin e personave të pandërgjegjshëm që bëjnë hedhjen e mbeturinave në lum;
3. Të vendosen urgjentisht kontejnerë nëpër secilën lagje të fshatit;
4. Të vendosen tabela me mbishkrimin “Ta ruajmë ambientin” dhe “Ndalohet rreptësishtë hedhja e mbeturinave në lum”;
5. Arsimtarët orën e parë të mësimit në fillim të javës t’ia kushtojnë këtij problemi dhe t’i sensibilizojnë nxënësit për ruajtjen e ambientit;
6. Të identifikohen dhe gjobiten me gjoba të mëdha ata që i hedhin mbeturinat e sidomos ata që e hedhin plehun e kafshëve në lum.
Mirëpresim edhe ndonjë ide tjetër e cila do të mund të materializohej në drejtim të mbrojtjes së ambientit.

Të gjitha këto të bëhen në interes të vetë popullatës!

Shtyhet për në fund të marsit gjykimi ndaj të akuzuarit për sulm në një kafiteri në Bellobrad të Dragashit

Opoja.net

Të enjten mot më i ngrohtë, kryesisht i kthjellët dhe me diell

Opoja.net

Më të votuarit e LDK-së në Dragash, Hoti i treti

Opoja.net
Agjencia e Lajmeve
www.opoja.net