Ministria e Arsimit, Shkencës dhe Teknologjisë (MAShT) ka marrë vendim për anulimin e Testit të Arritshmërisë të mbajtur më 21 maj 2016 në komunat Dragash, Gjilan dhe Hani i Elezit, dhe përsëritjen e testit në këto komuna më datë 8 qershor 2016 nga ora 10:00.
Vendimi është marrë pas rekomandimit të grupit të ekspertëve të Divizionit për Vlerësim, Standarde dhe Monitorim, i cili i ka vlerësuar joreale dhe jo të besueshme rezultatet e testit në këto Komuna, si dhe administrimit jo të mirë të këtij procesi.
“MAShT ka obliguar Drejtoritë Komunale për Arsim në këto komuna, që të njoftojnë me kohë nxënësit dhe të bëjnë përgatitjet e nevojshme për realizimin e standardeve të pranueshme të administrimit të këtij vlerësimi”, thuhet në një njoftim të MASHT-it.
© Opoja.net
Opojanet ka hapur kanalin në Whats App dhe ju mund të na bashkoheni për të ndjekur lajmet tona BASHKOHU KËTU.
