Arabia Saudite me dy kërkesa të çuditshme për zhvillimin e ndeshjes ndaj Shqipërisë

Kushtrim Guraj Kushtrim Guraj Sport

Kombëtarja shqiptare po bëhet gati për t’u mbledhur në kuadër të ndeshjes miqësore që do të zhvillohet më datën 26 tetor, kundër Arabisë Saudite në Abu Dabi.

I pazakontë është fakti që kjo ndeshje do të zhvillohet pa praninë e publikut dhe mediave. Kështu që takimi i së mërkurës së ardhshme nuk do të transmetohet në asnjë kanal.

“Panorama Sport” zbulon se këto kanë qenë dy kriteret e Federatës së Arabisë Saudite: stadiumi bosh dhe asnjë transmetim, kjo për arsye sepse arabët do të luajnë ndaj Shqipërisë me ekipin e parë që do të jetë edhe në Botëror dhe si kusht kanë pasur që të mos zbulohen nga kundërshtarët që kanë në grup.

Por nga ana tjetër, miqësore të tilla, që nuk transmetohen, janë disi me “spec” dhe FSHF-ja është detyruar që të marrë leje në UEFA dhe kanë marrë OK-in për ta luajtur.

Kujtojmë që ky takim është jashtë datave zyrtare dhe për këtë shumica e lojtarëve kuqezinj nuk do të grumbullohen sepse janë të angazhuar me klubet e tyre.

/OPOJAnet/

Opojanet ka hapur kanalin në Whats App dhe ju mund të na bashkoheni për të ndjekur lajmet tona BASHKOHU KËTU.

- Reklama-
- Reklama-