AUV në terren për salsiçen që u hoq nga tregu i Shqipërisë

Kushtrim Guraj Kushtrim Guraj Kosova

Kosova ende nuk e ka larguar nga tregu salsiçen “Wudy”, siç bëri Shqipëria, e cila po cilësohet tejet e rrezikshme për shëndetin e njeriut.

Klankosova.tv ka kontaktuar me zëdhënësin e Agjencisë së Ushqimit dhe Veterinarisë, Lamir Thaçi, i cili tha se inspektorët janë në terren dhe po gjurmojnë tregun për shqetësimin e ngritur.

“Inspektorët janë në terren që nga mëngjesi dhe po bëhet gjurmueshmëria”, ka thënë shkurt Thaçi.

Kujtojmë se Autoriteti Kombëtar i Ushqimit në Shqipëri, ka bërë të ditur se salsiçet pas analizave laboratorike, përbëjnë rrezik me ndikim serioz në shëndetin e njeriut.

“Autoriteti Kombëtar i Ushqimit menjëherë pas njoftimit të ardhur nga RASFF po ndërmerr të gjitha masat nëpërmjet kontrolleve zyrtare në operatorët e biznesit ushqimor për identifikimin, bllokimin dhe tërheqjen e produktit nga tregu”, thuhet në njoftimin e AKU-së.

Tutje, ky autoritet ka kërkuar kujdes nga konsumatorët, duke bërë thirrje që të mos konsumohen produktet Ëudy dhe t’i kthejnë ato pranë subjekteve ku janë blerë. /Klankosova.tv/

/OPOJAnet/

Opojanet ka hapur kanalin në Whats App dhe ju mund të na bashkoheni për të ndjekur lajmet tona BASHKOHU KËTU.

- Reklama-
- Reklama-