Pas përfundimit të mandatit të tij, ish-kryetari i komunës së Dragashit, Salim Jonuzi, ka lënë pas vetes edhe disa obligime të papaguara dhe një sërë detyrimesh kontigjente dhe procese të hapura gjyqësore, për të cilat Komuna e Dragashit si organizatë buxhetore, është e obliguar që t’i kryejë në rast se drejtësia vendos në favor të paditësve të komunës.
Sipas Raportit Vjetor Financiar për vitn 2017, ish-kreu i komunës së Dragashit i ka lënë të papaguara obligimet që kapin shumën prej 7 mijë euro, ndaj furnitorëve të ndryshëm që i kanë kryer shërbime komunës që e udhëhiqte Salim Jonuzi.
Ndërkaq, barra më madhe financiare që ish-kryetari Jonuzi i ka lënë Shaban Shabanit lidhet me detyrimet kontigjente. Nga paditë e hapura ndaj Komunës së Dragashit, sipas RVF për vitin 2017, është llogaritur që Komuna e Dragashit të ketë detyrime me vlerë 248 mijë euro.
“Kunder Organizates buxhetore komuna e Dragashit, sipas raportit të avokatit komunal janë të ngritura disa padi gjyqësore në shumën totale prej 248 mijë euro. Këto padi janë në proces dhe si të tilla mund të kenë rrjedhime të ndryshme”, thuhet në RFV./Opoja.net/
Opojanet ka hapur kanalin në Whats App dhe ju mund të na bashkoheni për të ndjekur lajmet tona BASHKOHU KËTU.
